Diweddariad Prosiect Mehefin 2023

Gwaith yn Boston Lodge

Mae llawer o’r gwaith sylfaen bellach wedi’i gwblhau yn Boston Lodge, sy’n golygu y gall gwaith ar yr adeiladau ddechrau o ddifrif. Mae hwn yn gam hanfodol o’r prosiect, ac ni ddylid diystyru’r gwaith a wnaed hyd yma er gwaethaf ychydig o dystiolaeth weledol. Mae’r cyn weithdy trydanwyr a storfa olew wedi bod yn darged o waith helaeth a gosod sylfeini ar gyfer yr holl adeiladau newydd (Sied Atgyweirio Waggon, Canolfan Hyfforddi ac Ymchwil a storfa newydd).

Mewn gweithdy archaeoleg gyda Bob Zeepvat yn y Waggon Repair Shed, rhoddwyd y slabiau llechi gwreiddiol ar baletau i’w storio cyn y gellir dod â’r rhai y gellir eu hachub yn ôl a’u hailosod. Bydd llechi o lawr llechi sydd newydd eu darganfod yn y storfa olew ddiweddar yn cael eu gosod lle nad oes llechi gwreiddiol wedi goroesi yn y ‘Sied Atgywierio Wagenni’.

Cafodd set o reiliau oedd wedi cyrydu a difrodi eu cofnodi’n ofalus hefyd, ond ni ellir eu hailosod oherwydd eu cyflwr dadfeiliedig. Bydd rheiliau eraill yn cael eu gosod fel marcwyr i ddangos ble roedden nhw.

Y darn nesaf o ymchwiliad archeolegol fydd y stablau o flaen 1 a 2 Boston Lodge. Rydym hefyd yn cynllunio gweithdy ar ddefnyddio morter calch. Os yw hyn yn swnio fel y math o waith yr hoffech chi fod yn rhan ohono, darganfyddwch fwy yn https://nlhfproject.festrail.co.uk/workshops/.

Os yw gweithdy’n swnio’n ormod – dewch ar daith tu ôl i’r llenni!

Mae ffrâm y Sied Loco Fach i fyny, mae’r waliau wedi’u gorchuddio, ac mae’r to bellach yn cael ei osod. Mae cynllunio manwl ar gyfer y gwasanaethau trydanol a gosodiadau eraill a arweinir gan wirfoddolwyr wedi hen ddechrau.

Dehongliad

Gyda dim ond ychydig o brofi terfynol i’w wneud, mae’r testun ar gyfer y gyfres o baneli dehongli a fydd yn cael eu gosod ar hyd y rheilffordd bron wedi’i gwblhau o’r diwedd. Mae’r straeon yn amrywio o ddyfodiad y locomotif stêm cyntaf i Borthmadog yn 1863, i adeiladu Gorsaf Caernarfon fodern, ac felly mae’n siŵr y bydd stori i bawb. Diolch yn fawr iawn i bawb a gymerodd ran yn y broses.

Mae ein sylw bellach yn troi at y teithiau o amgylch Boston Lodge. Cyn bo hir byddwn yn dechrau casglu cronfa o straeon a fydd yn helpu i lywio’r teithiau, ac felly os hoffech fod yn rhan o’r broses hon, cysylltwch â interpretation@ffwhr.com. Gwerthfawrogir unrhyw gymorth a dderbynnir.

Bydd angen digon o dywyswyr teithiau arnom hefyd i helpu i gyflwyno’r teithiau, felly os ydych chi’n meddwl y gallech fod yn ffit da, cysylltwch â ni trwy e-bost neu galwch draw i’r swyddfa Dehongli!

Gweithgareddau

Rhan allweddol o’r prosiect yw allgymorth cymunedol a helpu pobl i ddatblygu sgiliau. Mae’r rhan hon o’r prosiect yn parhau i ragori ar dargedau a chryfhau perthnasoedd gyda cholegau ac ysgolion lleol. Ym mis Ebrill bu myfyrwyr o Goleg Menai yn ymweld â’r rheilffordd am wythnos, lle’r oedd eu ethig gwaith a’u chwilfrydedd yn disgleirio. Bydd y gwaith hwn yn ailddechrau pan fydd y flwyddyn ysgol newydd yn dechrau.